Save Planet !

როცა შენს გარშემო ინგრევა მთელი სამყარო, როცა შენ რაც გიშენებია, რაც გიკეთებია, რაშიც ჩადე საკუთარი გონი, სული, გული და აზრი, რა ქმედებებმაც მოგიყვანა აქამდე, რა გზებმა შეგქმნეს ისეთი როგორიც ხარ…და ეს ყველაფერი ერთ დღეს რომ დაინგრეს.. რა იქნებოდი?-იგივე, რაც იყავი მიიილიონი წლის წინ..კოცონის აღმოჩენა რომ აოცებდათ.
რა უსუსურები ვართ ადამიანები. დასაბამიდან როგორ არ ვცდილობთ გავძლიერდეთ. მოგვცა უფალმა გონი, ინსტინქტებიდან ცოოტა ზევით გადავინაცვლეთ. ვიარეთ, ვიარეთ, ვიჩხრეკედლავეთ, გავბურღეთ დედამიწა, გავფრინდით კოსმოსში, ჩავედით ოკეანეში… რა აღარ მოვიგონეთ, რომ ჩვენი ცხოვრება უფრო გასაგები, ნათელი, მარტივი გაგვეხადა. მოვიგონეთ ათასნაირი ნივთი, რომ დროის ეკონომია მოგვეღო და იცით რა?-დაგვცინა ბუნებამ, რომელზე ბატონობასაც ასე ვცდილობთ ამდენი მილიონი წელია… დაგვცინა.. :D რატომ?- უფრო ნათელი, გასააგები და მარტივი ცხოვრების მაგიერ, კი არ გავამარტივეთ-გავართულეთ ყველაფერი, უფრო დავიბენით, უფრო მეტ აუხსნელ მოვლენას შევეჯახეთ, და კიდევ უფრო ახალი ამოცანები დავიყენეთ წინ, რომელთა გადაჭრა ჯერჯერობით არ ძალგვიძს. (და კაცმა არ იცის როდის შევძლებთ).. რა უსუსურები ვართ.. მოვიგონეთ მანქანები, ტელევიზორები, ტელეფონები, სივრცე და მთელი სამყარო მოციმციმე ეკრანში ჩავატიეთ არა მხოლოდ ინფორმაციულად, საურთიერთოდაც და-დროის ეკონომიის მაგიერ- უფრო მეტი დროის დეფიციტია ოცდამეერთე საუკუნეში. მე პირდაპირ ვგრძნობ როგორ გარბის დრო, როგორ მინდა შევანელო-არ გამომდის. უბრალოდ ძალების თანაფარდობაა ზედმეტად უწონასწორო.. ქაოსში ვცხოვრობთ და ვერ ვხვდებით, რომ პლანეტა ამაზე ადრე თუ გვიან რეაქციას მოგვცემს..

პრინციპში მოგვცა და ეგაა! არ უკვირდებით, როგორ შეიცვალა კლიმატი, რამდენი სტიქიური უბედურება მოხდა უკანასკნელ წლებში, რამდენი პროტესტი გამოთქვა დედამიწამ, დაიკვნესა, იქვითინა, თავი შეგვახსენა.. და ჩვენ რას ვაკეთებთ?-ნერვიულად ვიქნევთ თავებს, ენერგიულად ვამზადებთ რეპორტაჟებს, მერე ნამუშევრით კმაყოფილნი ვუყურებთ რეპორტაჟებს, დავრგავთ 2 ხეს და გვიხარია.. და უფრო მეტს ვეწევით “ნერვიულობის ნიადაგზე”, უფრო მეტს დავდივართ მანქანების ნაბოლქვით გაჟღენთილ ბეტონის ქალაქებში..ვერ ვსწავლობთ ჭკუას..და ყველაზე ირონიული არის ის, რომ მიუხედავად ამდენი ფაცი-ფუცისა, ამდენი მოძრაობისა, ამდენი მცდელობების, გამოსვლების, მიტინგების და ათასი უბედურებების მერე, რასაც ვაწყობთ თითქოსდა დასახმარებლად- დედამიწა მაინც ბუნტობს და… დრო ისევ გარბის..გარბის უმოწყალოდ და არ გველოდება.. ჩვენ კი იმდენად ჩავეფალით ამ ტექნოლოგიების ჭაობში რომ სანამ ამოვძვრებით-დრო გაპარული იქნება და მხოლოდ სინანული თუ შეგვეძლება.. თვითონ სიტყვას დაუკვირდით-დედა - მიწა!!! გენიალური სიტყვაა, ყველაფერია ნათქვამი მასში.. და ჩვენ მასზე განა არ ვზრუნავთ, პირიქით-უარესს ვაკეთებთ… მე არ ვამბობ რომ უნდა საერთოდ მოვცილდეთ ყველანაირ ნოვატორობას, ტექნიკას, მანქანას და ასე შემდეგ, მე არ ვამბობ რომ უნდა დავუბრუნდეთ “ბუნებას” და დავუბრუნდეთ საწყისს, პირველ ყოფას.. მაგრამ არ უნდა იყოს ტექნოლოგიების წილი ამოდენა.. მითხარით, ასე საჭიროა ზურგის მოსაფხანი, კოღოს მოსაკლავი და მსგავსი აპარატები?? გავზარმაცდით, არ უტოვებთ მომავალ თაობას ხელის გასანძრევს?? ტელეფონი რომ ადამიანზე ჭკვიანი იქნება..(მინახავს ამგვარი შემთხვევა და არ ვაზვიადებ :D ) რაზე ვსაუბრობთ.. არსებობს ათასი ფონდი, ათასი რეკლამა, ათასი ქველმოქმედება.. მაგრამ მათი თანაფარდობა ზედმეტად მცირეა იმისათვის, რომ გადაწონოს ამდენი მილიარდი ინდიფერენტული დედამიწის მკვიდრი, რომელთაც უბრალოდ არ აღელვებს ელემენტარული რამ.. რამდენი ცხოველი გადაშენდა, რამდენი ფრინველი გადაშენდა, რამდენი ულამაზესი ადგილი გადაიჩეხა და დარჩა ხრიოკად??? სანამ არ მივიდნენ გადაშენების პირამდე ვინმეს აღელვებდა? ვინმე ახსენებდა?? მაინცდამაინც თავზე უნდა დაგვენგრეს ყველაფერი რომ გავიგოთ რაშია საქმე? კი ბატონო, სული ტკბილია, მაგრამ ჩვენ ბიოლოგიურად, ვართ ერთ ერთი სიცოცხლის სახე.. და არა მბრძანებელი.. უფალმა მის სახად იმიტომ შეგვქმნა, დაიპყარით სამყარო და დაიმონეთო??
ხალხო, რა გვჭირს??? რას ვემსგავსებით??? მოდით, იქნებ მოვიკრიფოთ ადამიანობა, რომ გავხდეთ ადამიანები!!

Previous Post
Leave a comment

4 Comments

  1. ვაახ!!! როგორ გიყვარს ყველას ერთ ქვაბში მოხარშვა! მე არც ცხოველებს ვკლავ, არც ხეებს ვჩეხავ და არც ნავთობის საბადო არ მაბადია კიდე რაა!!! :))))) ბენდუქიძე აკეთებს მაგას და ბილ გეიტსი!!!!! :)))))) მე მშვიდობიანი ადამიანი ვარ !

    Reply
  2. Teaa

     /  March 17, 2011

    მოხარშვა კი არ მიყვარს -იხარშებით! :) არც მე ვაზიანებ, მაგრამ არც ვეხმარები.. ეგეც ითვლება!!! მკაცრი ვარ ხო ! :)))) ამას ყველა აკეთებს, უბრალოდ მასშტაბებია განსხვავებული. მეტი ფული-მეტი შესაძლებლობები და შესაბამისად… :) თორემ ეგრე მეც საოცრად კაცთმოყვარე და საერთოდ, ყველაფრის მოყვარე ადამიანი ვარ :D :D :D

    Reply
  3. მე არ ვეწევი, მანქანა არ მყავს და გამონაბოლქვით ჰაერს არ ვაბიძურებ, ნაგავს ჩანთაში ვინახავ, სანამ ნაგვის ურნა არ შემომხვდება, ხეებსაც ვრგავდი ბავშვობაში, ახლა ასფალტზე ხომ არ დავრგავ? (დავიწყე თავის ამრთლება დედამიწის წინაშე :-))
    ეს ისე, ნახევრად ხუმობით. გეთანხმები პათოსში, მარა გამოსავალი რაა?

    Reply
  4. Teaa

     /  March 18, 2011

    გამოსავალი ის ალბათ, რომ ყველამ გავაცნობიეროთ რა ზიანს ვაყენებთ გარემოს, ბინძურდება ყველაფერი.. ნაკლებად გამოვიყენოთ მანქანა, დავრგოთ მეტი ხეები ქალაქში, გავუფრთხილდეთ ბუნებას.. ეხლა აღარ მახსოვს სად, მაგრამ რომ დადის ხალხი მასიურად ველოსიპედებით, ემართებათ რამე? ხომ არიან მშვენივრად? ეხლა არ ვამობობ ყველამ გადაყარეთ მანქანები თქო, მაგრამ თუ ყველა შეხედავს პრობლემას, და ამას მიექცევა ყურადღება, რაღაც გამოსავალი იქნება.. უბრალოდ ერთი და ორი ამას ვერ შეცვლის, და ყველას ან, უმრავლესობას მაინც– გამოუვა…

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 124 other followers

%d bloggers like this: